Nú er kennsla að hefjast á nýju ári. Stundatöflur breytast eitthvað lítilsháttar, en flestir nemendur verða með sömu tíma og áður.

Nú er jólavertíðin að ná hámarki í Tónlistarskólanum. Jólatónleikar yngri nemenda og byrjenda verða á Fáskrúðsfirði 12. desember kl 18 Tónleikar verða á Stöðvarfirði 14. desember kl. 18 og á Fáskrúðsfirði 18. desember kl. 18.

Söngstubbar taka þátt í jólatónleikum Eyþórs Inga í Fáskrúðsfjarðarkirkju 1. desember og á aðventukvöldi í Fáskrúðsfjarðarkirkju 7. desember.

Grunnskóli Fáskrúðsfjarðar setti upp söngleikinn Grease á árshátíð sinni á dögunum. Tónlistarskólinn sá um alla tónlist og tæknimál á árshátíðinni. Kennarar og nemendur Tónlistarskólans mynduðu hljómsveitir og sáu um undirleikinn. Einnig þjálfuðu kennarar Tónlistarskólans söngva og dans í hópatriðum. Þetta var mikill skóli og skilaði nemendum og áhorfendum miklu.

Mikið fjör.

Nú stendur yfir innritun og skráning nemenda í Tónlistarskólann. Heldur fjölgar nemendum sem er gott. Þeir nemendur sem voru í námi við skólann á síðasta skólaári innritast sjálfkrafa á þetta skólaár. Ef einhverjar breytingar eiga að verða þarf að láta vita svo fljótt sem auðið er. Nýir nemendur sækja um skólavist rafrænt hér á heimasíðu skólans.

Kennarar við skólann verða fjórir í vetur. Það eru Berglind Ósk Agnarsdóttir, Suncana Slamnig, Charles Ross og Valdimar Másson, skólastjóri.

Boðið er  upp á kennslu á flest öll hljóðfæri.

Sunnudaginn 2. apríl 2017 fór lokakeppni Nótunnar 2017 fór fram. Frábærir tónlistarnemendur komu fram á þessum tónleikum en okkar frábæra Anya Hrund Shaddock kom, sá og sigraði á sunnudaginn. Hún flutti verkið Clair de lune eftir Claude Debussy með eftirminnilegum hætti og stóð uppi sem handhafi Nótunnar 2017. Kennarar tónlistarskólans eru verulega stoltir af henni og óska henni til hamingju.

Hér fyrir neðan er hlekkur á myndband með flutningi Önyu á lokahátíðinni.

Svæðistónleikar Nótunnar 2017 fyrir austur- og norðurland verða haldnir í Egilsstaðakirkju laugardaginn 18. mars. Tvennir tónleikar verða haldnir og verða tónleikar nemenda í grunnnámi kl. 14 en fyrir nemendur í opnum flokki og mið- og framhaldsnámi kl. 16.

Vakin er athygli á því að gjaldskrá tónlistarskólanna í Fjarðabyggð hækkaði um áramótin. Fullt nám verður 30.000 kr. á önn, hálft nám 20.100 kr. á önn, hópnám 17.900 á önn og hljóðfæraleiga 6.200 kr. á önn.

Gjöldin eru tvöfalt hærri fyrir 21 árs og eldri.

Nú er vetrarstarfið í Tónlistarskólanum hafið af fullum krafti. Starfið verður með hefðbundnu sniði í vetur. Nemendur fá að fara úr tímum grunnskólans til að sækja tónlistartíma, ef allir eru því samþykkir. Kennt er á helstu hljóðfæri, píanó, gítar, trommur, strokhljóðfæri, blásturshljóðfæri auk söngs og tónfræði.

Nýr kennari tók til starfa hjá okkur nú í haust. Það er Suncana María Slamnig. Hún kennir á píanó, gítar, þverflautu og strokhljóðfæri.

Nú fer síðasta starfsvika tónlistarskólans í hönd. Hefðbundin kennsla verður ekki, en kennarar hitta nemendur og fylgja þeim inn í sumarfrí með góðum ráðum og hvatningu. Einhverjar upptökur verða fyrir þá sem vilja og geta.

Vortónleikar Tónlistarskólans voru haldnir 17. – 19. maí, og eins og alltaf voru þeir vel heppnaðir og nemendur stóðu sig með stakri prýði. Aðsókn hefði mátt vera meiri, en kannski hafði gott veður einhver áhrif á hana.

Starfsfólk Tónlistarskóla Fáskrúðsfjarðar og Stöðvarfjarðar þakkar öllum fyrir viðburðaríkan og góðan vetur. Gleðilegt sumar.

Vortónleikar Tónlistarskólans verða haldnir dagana 17. – 19. maí. Þrennirt tónleikar verða haldnir eins og undanfarin ár. Tvennir á Fáskrúðsfirði og einir á Stöðvarfirði.

Tónleikar yngri nemenda á Fáskrúðsfirði verða haldnir þriðjudaginn 17. maí.

Tónleikar eldri nemenda á Fáskrúðsfirði verða haldnir miðvikudaginn 18. maí.

Tónleikar nemenda á Stöðvarfirði verða haldnir fimmtudaginn 19. maí.

Allir tónleikarnir hefjast klukkan 18:00. Allir eru velkomnir á tónleikana og er aðgangur ókeypis. Mælst er til þess að börn séu í fylgd forráðamanna.