Opið hús á Stöðvarfirði

Opið hús var hjá tónlistarskólanum á Stöðvarfirði í dag, á degi tónlistarskólanna og kom fjöldi fólks og skoðaði skólann, hlustaði á nemendur og spjallaði við kennara.

Jónatan Emil kom og lék á trommur.

Hér er lítið sýnishorn fengið að láni hjá Arnar Og SollaÞað er rétt og skilt að taka fram að gítarleikari hópsins var veikur og hljóp deildarstrumpurinn í skarðið fyrir hann.

 

 

Söngtónleikar í mars

Söngdeild Tónlistarskólans mun halda tónleika í lok mars, þar sem nemendur flytja mest íslenska tónlist. Hver nemandi flytur tvö lög en einnig syngja nemendur saman, tveir eða fleiri. Mest áhersla verður lögð á perlur popptónlistar síðustu og þessarar aldar. Á efnisskránni verða lög eins og: Kvöldsigling, Með þér, Kveðja, Minning um mann og mörg fleiri.

 

 

 

Dagur tónlistarskólanna

Print2-page-001Þann 22. febrúar verður Dagur tónlistarskólanna haldinn hátíðlegur víða um land. Ýmsar uppákomur eiga sér stað, mismunandi eftir skólum.

Í ár stendur til að hafa opið hús í Tónlistarskóla Fáskrúðs- og Stöðvarfjarðar. Þar munu kennarar og nemendur taka á móti gestum, sýna hljóðfæri, spila og syngja fyrir gesti og þeir sem keppa í Nótunni munu sýna listir sínar.

Nánari dagskrá verður kynnt síðar.

 

Vorönn 2014

Gleðilegt nýtt ár. Nú er árið 2014 gengið í garð með nýjum verkefnum.

Það sem er á döfinni á næstunni er sólarkaffi Leiknis. Þar munu einhverjir nemendur koma fram til að skemmta gestum.

Nótan er á næsta leiti og mega nemendur gjarnan fara að huga að því. Svæðistónleikarnir verða á Akureyri að þessu sinni. Valtónleikar verða hjá Tónlistarskólanum verða í lok febrúar. Nánari dagsetningar birtar síðar.

Jólatónleikar 2013

Senn líður að jólatónleikum og eru nemendur hvattir til að leggja hart að sér við æfingar svo tónleikarnir geti orðið sem bestir. Við verðum með þrenna jólatónleika. Mánudaginn 9. desember verða boðstónleikar hjá byrjendum á Fáskrúðsfirði. Miðvikudaginn 11. desember verða  tónleikar á Fáskrúðsfirði og fimmtudaginn 12. desember verða tónleikar á Stöðvarfirði.

Kór tónlistarskólans

Mánudagskvöldið 21. október, var haldin fjölskylduskemmtun til heiðurs forseta Íslands í Kirkju- og menningarmiðstöðinni á Eskifirði. Þar var ýmislegt til skemmtunar og þar á meðal kór tónlistarskólans. Hann söng tvö lög á skemmtuninni og stóð sig frábærlega. Svo endurtók hann lögin þegar forsetinn kom í heimsókn í skólamiðstöðina. Mjög flottur kór.

Heimsókn forseta Íslands

Nú stendur fyrir dyrum heimsókn frá forseta Íslands, hr. Ólafi Ragnari Grímssyni. Hann mun heimsækja skólamiðstöðina og skoða starfsemina. Kór tónlistarskólans mun flytja tvö lög við það tækifæri.

Á mánudagskvöldið 21. október, mun forsetinn afhenda hvatningarverðlaun forseta Íslands við hátíðlega athöfn í Kirkju- og Menningarmiðstöðinni á Eskifirði. Þar mun kór Tónlistarskólans koma fram ásamt fleiri nemendum tónlistarskólanna í Fjarðabyggð.

Athöfnin hefst kl. 19:30 og eru allir velkomnir.