Kennsla hefst 1. september

Kennsla í Tónlistarskóla Fáskrúðsfjarðar og Stöðvarfjarðar hefst samkvæmt stundaskrá þriðjudaginn 1. september. Kennsla verður með hefðbundnu sniði og geta flestir nemendur stundað námið á kennslutíma grunnskóla. Þannig verður skóladagurinn samfelldur. Þó eru hóptímar flestir eftir kennslutíma grunnskóla, s.s. kóræfingar, tónfræði, samspil og þess háttar.

Sumarfrí

Þá er Tónlistarskólinn kominn í sumarfrí. Kennsla hefst aftur 1. september. Þeir sem hafa áhuga á að stunda nám við skólann næsta skólaár eru hvattir til að sækja um skólavist sem fyrst. Sótt er um rafrænt með því að smella á hlekk hér á heimasíðu skólans.

 

Vortónleikar 2015

tsHefðbundnir vortónleikar verða í Tónlistarskólanum 11. – 13. maí, 2015. Byrjendatónleikar verða á Fáskrúðsfirði  mánudaginn 11. maí. Svo verða  tónleikar á Fáskrúðsfirði þann, 12. maí og  á Stöðvarfirði þann 13. maí.

Byrjendur og yngri nemendur 11. maí, kl. 18:00 í Skólamiðstöðinni á Fáskrúðsfirði.

Vortónleikar 12. maí, kl. 19:30 í Skólamiðstöðinni á Fáskrúðsfirði.

Vortónleikar 13. maí, kl. 18:00 í Stöðvarfjarðarskóla.

Aðgangur er ókeypis og allir velkomnir, en mælst er til að yngri börn séu í fylgd foreldra.

Skrautnótan 2015

1115 Tónlistarskólinn 1_1-page-001Eins og fram hefur komið hér á vefnum, mun ekki fara fram hefðbundin Nóta líkt og undanfarin ár. Þess í stað eru haldnar Skrautnótur víða um land. Norður- og Austurland munu gera það laugardaginn 14. mars kl. 13 í Tónlistarmiðstöðinni á Eskifirði. Þar koma koma nemendur frá átta tónlistarskólum og halda sameiginlega tónleika. Smellið á myndina til að sjá nánari upplýsingar.

Nótan 2015

Nú í vetur var ákveðið á vettvangi samstarfsaðila um Nótuna að ekki yrði landskeppni með sama sniði og undanfarin ár. Ástæðurnar eru margþættar, t.d. setti verkfall í haust starf í mörgum skólum í mikið uppnám og ekki allsstaðar hægt að vinda ofan af því. Fjármálin voru líka stór þáttur í þessari ákvörðun, ekki síst sú staðreynd að ekki fékkst styrkur til að halda keppnina í Hörpu.

Í framhaldi af þessari ákvörðun var ákveðið að þeir skólar á Austurlandi og Norðurlandi sem hefðu áhuga á að halda einhverskonar sameiginlega uppskeruhátíð myndu gera það. Nú er komið í ljós að þó nokkrir skólar hafa sýnt því áhuga og verða haldnir tónleikar í Tónlistarmiðstöð Austurlands á Eskifirði laugardaginn 14. mars. Tímasetning er ekki komin á hreint, en það fer eftir fjölda skóla sem taka þátt.