Greinasafn fyrir flokkinn: Fréttir

Fréttir af skólastarfinu

Söngtónleikar í mars

Söngdeild Tónlistarskólans mun halda tónleika í lok mars, þar sem nemendur flytja mest íslenska tónlist. Hver nemandi flytur tvö lög en einnig syngja nemendur saman, tveir eða fleiri. Mest áhersla verður lögð á perlur popptónlistar síðustu og þessarar aldar. Á efnisskránni verða lög eins og: Kvöldsigling, Með þér, Kveðja, Minning um mann og mörg fleiri.

 

 

 

Jólatónleikar 2013

Senn líður að jólatónleikum og eru nemendur hvattir til að leggja hart að sér við æfingar svo tónleikarnir geti orðið sem bestir. Við verðum með þrenna jólatónleika. Mánudaginn 9. desember verða boðstónleikar hjá byrjendum á Fáskrúðsfirði. Miðvikudaginn 11. desember verða  tónleikar á Fáskrúðsfirði og fimmtudaginn 12. desember verða tónleikar á Stöðvarfirði.

Kór tónlistarskólans

Mánudagskvöldið 21. október, var haldin fjölskylduskemmtun til heiðurs forseta Íslands í Kirkju- og menningarmiðstöðinni á Eskifirði. Þar var ýmislegt til skemmtunar og þar á meðal kór tónlistarskólans. Hann söng tvö lög á skemmtuninni og stóð sig frábærlega. Svo endurtók hann lögin þegar forsetinn kom í heimsókn í skólamiðstöðina. Mjög flottur kór.