Ályktun tónlistarkennara á Austurlandi

tkennararÁlyktun

Á fundi tónlistarkennara á Austurlandi, sem haldinn var á Reyðarfirði 6. nóvember 2014, var eftirfarandi ályktun samþykkt:

Tónlistarkennarar á Austurlandi lýsa yfir þungum áhyggjum vegna stöðu kjaradeilu tónlistarskólakennara í FT við SNS. Ekkert virðist þokast í átt til samnings, en kröfur FT eru einfaldlega þær að launaþróun félagsmanna FT fylgi launaþróun annara félaga innan Kennarasambands Íslands. Svo virðist sem mikil áhrif Reykjavíkurborgar geri það að verkum að launanefnd sveitarfélaganna getur ekki komist að samkomulagi við FT. Rekstrarform tónlistarskóla í Reykjavík er gerólíkt því sem tíðkast víðast hvar annarsstaðar. Þar eru flestir tónlistarskólar reknir sem sjálfseignarstofnanir. Einnig er mikill munur á hlutfalli grunnskólanemenda í tónlistarnámi í Reykjavík og annarsstaðar á landinu. Þess vegna verður að setja spurningarmerki við að Reykjavíkurborg ráði ferðinni í samningaviðræðunum.

Verkfall tónlistarskólakennara hefur nú þegar varað í tvær vikur og er ástandið orðið grafalvarlegt. Líkur eru á því að heil önn hjá nemendum tónlistarskólanna fari í súginn og jafnvel að sumir nemendur hætti alfarið í tónlistarnámi.

Tónlistarkennarar á Austurlandi beina þeim tilmælum til sveitarstjórna/bæjarstjórna á Austurlandi að þau hlutist til um að viðræður verði til lykta leiddar strax og samningar gerðir í samræmi við jafnlaunastefnu sveitarfélaganna frá 24. mars 2002 þar sem segir í 31. grein:

„Launakjör skulu vera með þeim hætti að þau laði að hæft starfsfólk og haldi því í starfi. Starfsmenn skulu njóta svipaðra kjara og bjóðast í sambærilegum störfum annars staðar að teknu tilliti til kjara sem tíðkast fyrir sambærileg störf hjá sveitarfélögum og stofnunum sem reka ámóta starfsemi.“

Virðingarfyllst,

Tónlistarkennarar á Austurlandi:

 

Andrea Kissné Révfalvi Djúpivogur

Berglind Halldórsdóttir, Egilsstöðum

Berglind Ósk Agnarsdóttir, Fáskrúðsfirði

-charlesross- Egilsstaðir

Daníel Arason, Egilsstaðir

Drífa Sig, Fellabæ

Eyrún Eggertsdóttir, Neskaupstaður

Garðar Harðar Stöðvarfirði

Gillian Haworth, Reyðarfirði

Guðjón Magnússon, Reyðarfirði

Hildur Þórðardóttir, Neskaupstað

 

József Béla Kiss Djúpivogur

Margrét Lára Þórarinsdóttir, Egilsstöðum

Monica Vestervig, Reyðarfirði

Torvald Gjerde, Fellabæ

Tryggvi Hermannsson Egilsstöðum

Valdimar Másson, Fáskrúðsfirði

Zigmas Genutis Egilsstaðir

 

Ályktun FTA (1)

[spider_facebook id=“1″]

Verkfallsfréttir 4.11.2014

kenn Tvær vikur liðnar!

Enn bólar ekki á lausn í kjaradeilu tónlistarskólakennara við vinnuveitendur. Samningafundur í deilunni er boðaður á morgun miðvikudaginn 5. nóvember. Því miður virðist ekki mikil ástæða til bjartsýni en auðvitað vonum við að úr leysist sem fyrst því þetta ástand hefur mjög slæm áhrif á námsframvindu nemenda.

Foreldrar og nemendur eru hvattir til að láta í sér heyra til að þrýsta á um lausn deilunnar.

[spider_facebook id=“1″]

Verkfall tónlistarskólakennara!

tkennarar

Á morgun, miðvikudaginn 22. október, hefst verkfall tónlistarskólakennara í FT. Verkfallið, ef af verður, mun standa yfir þar til samningar hafa tekist við sveitarfélögin.Skólastjórar fara alla jafna ekki í verkfall, en mega ekki kenna.

Aðrir starfsmenn Tónlistarskólans verða ekki við störf.

Við vonum að sjálfsögðu að þetta ástand vari sem styst og hvetjum nemendur til að halda áfram æfingum og undirbúningi, því kennsla getur hafist með stuttum fyrirvara. Foreldrar og nemendur eru hvattir til að fylgjast með fréttum af gangi mála.

 

 

Kennsla hefst 1. september

Kennsla í Tónlistarskóla Fáskrúðsfjarðar og Stöðvarfjarðar hefst samkvæmt stundaskrá mánudaginn 1. september, 2014. Kennarar munu hafa samband við nemendur og foreldra vikuna 25. – 29. ágúst og fara yfir stundaskrár og staðfesta innritun. Alltaf er opið fyrir umsóknir í skólann, en ekki er alltaf hægt að tryggja skólavist fyrir umsækjanda þegar í stað og fer hann þá á biðlista sem er reynt að halda eins stuttum og mögulegt er.

Vortónleikar 2014

Vortónleikar 2014 á Fáskrúðsfirði 19. maí og Stöðvarfirði 20. maí. Báðir tónleikarnir kl. 18

Vortónleikar 2014 á Fáskrúðsfirði 19. maí og Stöðvarfirði 20. maí. Báðir tónleikarnir kl. 18

Vortónleikar Tónlistarskóla Fáskrúðsfjarðar og Stöðvarfjarðar verða haldnir mánudaginn 19. maí í Skólamiðstöðinni á Fáskrúðsfirði og þriðjudaginn 20. maí í Stöðvarfjarðarskóla. Báðir tónleikarnir hefjast kl. 18

Aðgangur er ókeypis og öllum opinn en yngri börn þurfa að vera í fylgd fullorðinna.

Landsmót SÍSL í Grindavík

Þátttakendur í landsmóti SÍSL í Grindavík

Þátttakendur í landsmóti SÍSL í Grindavík

Helgina 2. – 4. maí var landsmót A-sveita í Samtökum íslenskra skólalúðrasveita (SÍSL) haldið í Grindavík. Þátttakendur frá Tónlistarskólanum voru fjórir, Dagný Sól, Bjarki Þór, Bríet Irma og Anya Hrund.

Mótið heppnaðist mjög vel þó veðrið hefði mátt vera aðeins betra. 370 krakkar tóku þátt í mótinu. Æft var á fimm stöðum í bænum alla helgina og svo var kvöldskemmtun með þeim Sveppa og Villa á laugardagskvöldið og endaði svo mótið með frábærum tónleikum. Krakkarnir okkar voru mjög duglegir og skólanum sínum til mikils sóma. Við förum aftur!

Facebooksíða SÍSL

Heimasíða SÍSL

Nótuævintýri lokið

Það gekk á ýmsu þegar nemendur tóku þátt í Nótunni 2014. Forkeppnin fór fram 27. febrúar hjá TFS. Þar komust áfram þær Sara Rut Vilbergsdóttir, Selma Rut Ómarsdóttir og Marín Ösp Ómarsdóttir. Þær áttu að flytja sín lög á tónleikum í Hofi á Akureyri, 15. mars.sara

Eins og menn vita, þá hefur verið mjög ótrygg færð yfir fjöllin til Akureyrar og veðurútlit var ekki gott fyrir laugardaginn 15. mars, en þá ætluðu keppendur úr Fjarðabyggð og af Héraði aðsameinast í rútu til Akureyrar. Áætlað var að leggja af stað úr Fjarðabyggð kl. sjö að morgni og koma aftur að kveldi.

selmarin

Vegna veðurútlits var ákveðið að hætta við ferðina.

Í staðinn héldu þátttakendur til Egilsstaða þar sem atriðin þeirra voru tekin upp á myndband. Síðan voru þau klippt og send yfir internetið til Akureyrar og sýnd þar í Hofi. Þannig náðu öll atriðin inn og voru hluti af tónleikunum í Hofi.

En afskaplega svekkjandi að komast ekki norður. Gengur betur næst.

Nótan 2014

Fimmtudagskvöldið 27. febrúar kepptu 10 atriði um þátttöku í svæðiskeppni Nótunnar-uppskeruhátíðar Tónlistarskólanna, sem fram fer í Hofi á Akureyri    15. mars.

Tvö atriði voru valin til þátttöku, en eitt til vara. Það voru:

Sara Rut Vilbergsdóttir, söngur. Með þér (Bubbi Morthens)

notan2014c

Marín Ösp og Selma Rut Ómarsdætur, söngur. I see Fire (Ed Sheeran)

notan2014b

Og til vara, Anya Hrund Shaddock, söngur.  Án þín (Holland,Dozier, Holland, Þorsteinn Eggertsson)

notan2014a

Opið hús á Fáskrúðsfirði

Opið hús var í Tónlistarskólanum á Fáskrúðsfirði 27. febrúar í tilefni að degi tónlistarskólanna. U.þ.b. 50 manns mættu í heimsókn.

Kaffihúsastemning var í skólanum og voru atriði sem keppa í Nótunni 2014 flutt fyrir gesti.

Þetta var mjög skemmtilegt kvöld og verður örugglega gert eitthvað svipað í framhaldinu.